Carita Malati

Malati nu kungsi ngeusian ati
kiwari nembongan deui...
..ngalangkangan deui

Malati nu kungsi leungit na ati
kiwari datang deui...
..ngarongheap deui

Malati nu kungsi sulaya jangji
kiwari ngagupayan deui...
..ngiceupan deui

Malati kamari..
geus ngancik di kajauhan..
dina pajaratan cinta..

Malati kiwari..
keur ngancik na lelembutan
dina gapura hate..




Kebon Kolot, poe ka salapan bulan salapan taun dua rebu salapan

dina tungtung panineungan